यु–१९ महिला टी–२० विश्वकपमा नेपालको विजयी सुरुआत

आइसीसी यु–१९ महिला टी–२० विश्वकप एशिया छनोटमा नेपालले विजयी सुरुआत गरेको छ।

आज (बुधबार) भएको खेलमा नेपालले थाइल्यान्डलाई ६७ रनले हरायो।

नेपालले दिएको १०३ रनको लक्ष्य पछ्याएको थाइल्यान्ड ११ ओभर ४ बलमा ३५ रन बनाउँदै अलआउट भयो।

थाइल्यान्डकी कप्तान अफिसाराले सर्वाधिक १३ रन बनाइन्।

नेपालकी रचना चौधरीले ४ विकेट लिइन्।

यस्तै, कप्तान पूजा महतो र रिया शर्माले समान २/२ विकेट लिए।

मनिषा उपाध्याय र कृष्मा गुरुङले समान १/१ विकेट लिए।

यसअघि, यूएईमा टस हारेर ब्याटिङको निम्तो पाएको नेपालले निर्धारित २० ओभरमा ६ विकेट गुमाएर १०२ रन बनायो।

नेपालकी कप्तान पूजा महतोले सबैभन्दा धेरै ३५ रन बनाइन्।

यस्तै सीमना केसी र सोनी पाख्रिनले समान १९/१९ रन बनाए।

थाइल्यान्डकी चरुकन सेमाले २ विकेट लिइन्।

१९ वर्षमुनिको महिला टी–२० विश्वकप एशिया छनोटमा नेपाल, थाइल्यान्ड, यूएई र कुवेत छन्।

नेपालले दोस्रो खेलमा भोलि (बिहीबार) कुवेतसँग, आउँदो शनिवार यूएईसँग, कार्तिक २५ गते थाइल्यान्डसँग, कात्तिक २७ गते कुवेतसँग र अन्तिम खेलमा कार्तिक २८ गते यूएईसँग खेल्नेछ।

प्रतियोगिताको शीर्ष टोली अर्काे वर्ष मलेसियामा आयोजना हुने विश्वकपमा छनोट हुनेछ।