महिला टी–२० विश्वकप एशिया छनोट: नेपाल र हङकङको खेल रद्द

आइसीसी महिला टी–२० विश्वकप कप २०२६ एशिया छनोटमा नेपाल र हङकङको खेल वर्षाका कारण रद्ध भएको छ।

थाइल्यान्डको एशियन टेक्नोलोजी मैदानमा शुक्रबार बिहान हुने भनिएको नेपाल र हङकङबीचको खेल राति परेको पानीको कारण मैदान भिजेपछि टस नै हुन नसकि रद्द भएको हो।

आजको खेलमा नेपाल र हङकङले अंक बाँडेका छन्।

आजै भएको समूह ‘ए’ को खेलमा आयोजक थाइल्याण्डले कुवेतलाई १० विकेटले हरायो।

एशिया छनोटमा नेपालसँगै आयोजक थाइलयान्ड, भुटान, कुवेत, कतार, मलेसिया, हङकङ, बहराइन र युएईको सहभागिता छ।

समूह ‘सी’ मा रहेको नेपालसँगै बहराइन र हङकङ छन्।

समूह ‘ए’ मा भुटान, कुवेत र थाइल्यान्ड रहेको छन्।

समूह ‘बी’ मा मलेसिया, कतार र युएई छन्।

हरेक समूहका टोलीले एक–आपसमा २ खेलेपछि समूहको शीर्ष टोलीले ‘सुपर थ्री’मा स्थान बनाउने छ।

‘सुपर थ्री’ मा शीर्ष २ मा रहने टोलीले ग्लोबल छनोटमा स्थान बनाउनेछ।

नेपालले अब भोलि (शनिबार) बहराइनसँग खेल्नेछ।