नेपालले जित्यो एसीसी यु–१६ इस्ट जोन कप क्रिकेटको उपाधि

नेपालले एसीसी १६ वर्षमुनिको इस्ट जोन कप क्रिकेटको उपाधि जितेको छ।

प्रतियोगितामा नेपाल अपराजित रहँदै विजेता बनेको हो।

मलेशियाको बाङ्गीमा भएको फाइनलमा सिंगापुरलाई २ विकेटले हरायो।

सिंगापुरले दिएको ११४ रनको लक्ष्य नेपालले २९ ओभरमा ८ विकेट गुमाएर भेट्टायो।

नेपालका जोए थापाले नटआउट सर्वाधिक २४ रन बनाए।

सिंगापुरका कपिश वेन्कटरमनले सर्वाधिक ४ विकेट लिए।

नेपालले ५८ रनमा ५ विकेट गुमाएको अवस्थामा जोए थापा र शुभम् खनालले छैटौं विकेटका लागि ३३ रनको साझेदारी गरे।

यस्तै, नेपालले ९२ रन बनाउँदा ८ विकेट गुमाएको अवस्थमा जोए थापा र अभय यादवले नवौं विकेटका लागि नटआउट २५ रनको साझेदारी गरे।

यसअघि, टस जितेर ब्याटिङ गरेको सिंगापुर ४० ओभर ५ बलमा ११३ रन बनाउँदा अलआउट बन्यो।

सिंगापुरका रोहन अस्टिन अरुणले सर्वाधिक २३ रन बनाए।

नेपालका सुशीलबहादुर रावल र अभय यादवले समान ३/३ विकेट लिए।

यस्तै, शुभम् खनालले २ विकेट लिए।

कप्तान विपिनप्रसाद शर्माले १ विकेट लिए।

सेमिफाइनलमा नेपालले मलेशियालाई र सिंगापुरले हङकङलाई हराउँदै फाइनल खेलेको हो।

नेपाल १६ वर्षमुनिको इस्ट जोन कप क्रिकेटको साविक विजेता टोलीसमेत हो।

यस्तै, हङकङलाई ५ विकेटले हराउँदै आयोजक मलेशिया प्रतियोगितामा तेस्रो भएको छ।