भारतको इस्ट बंगाल क्लबले साफ महिला क्लब फुटबल च्याम्पियनसीपको पहिलो संस्करणको उपाधि जितेको छ।
काठमाण्डौको त्रिपुरेश्वरस्थित दशरथ रंगशालामा शनिबार भएको खेलमा विभागीय सशस्त्र प्रहरीको एपीएफ क्लबललाई ३–० गोलले हराउँदै इस्ट बंगाालले उपाधि जितेको हो।
इस्ट बंगाल ४ खेलमा ३ जीत १ बराबरीसहित १० अंक जोड्दै शीर्ष स्थानमा रहँदै फाइनल खेलेको थियो।
उता, समान खेलबाट २ जीत २ बराबरीसहित ८ अंक जोड्दै एपीएफ दोश्रो स्थानमा रहँदै फाइनल खेलेको थियो।
इस्ट बंगालको जीतमा कप्तान फाजिला इक्वापुतले उत्कृष्ट प्रदर्शन गर्दै २ गोल गरिन्।
त्यस्तै, सिल्की देवी हेमामले १ गोल गरिन्।
प्रतियोगिताकै सर्वाधिक गोलकर्ता समेत रहेकी फाजिलाले फाइनलमा पनि आफ्नो प्रभाव जमाइन्।
खेलको २१ औं मिनेटमा इस्ट बंगालले अग्रता लियो।
राइट ब्याक सरीता युमनामको पासलाई एपीएफकी लेफ्ट ब्याक मनमायाले हेडरमार्फत क्लियर गर्ने प्रयास गरिन् तर असफल भइन्।
त्यसको फाइदा उठाउँदै फाजिलाले प्रहार गरिन्।
फाजिलाले प्रहार गरेको जुन प्रहार सेन्टरब्याक गीता रानाबाट डिफ्लेक्ट हुँदै गोलमा परिणत भयो।
३५ औं मिनेटमा इस्ट बंगालले अग्रता दोब्बर बनायो।
कर्नर किक क्लियर गर्न दौडिएकी मनमायाले पुन: बल नियन्त्रण गर्न सकिनन्।
भारतीय सेन्टरब्याक आशलता देवीले मनमायाबाट बल खोस्दै पेनाल्टी क्षेत्रभित्र क्रस गरिन्।
उक्त क्रसमा सिल्की देवी हेमामले गरेको हेडर गोलकिपर अञ्जना रानामगरको प्रयास असफल बन्यो।
दोस्रो हाफ सुरु भएको १६ सेकेन्ड पनि नबित्दै इस्ट बंगालले तेस्रो गोल थप्यो।
फाजिलाको सामान्य देखिने प्रहार एपीएफकी गोलकीपर अञ्जनालाई डिफ्लेक्ट गर्दै गोल बन्यो।
एपीएफविरुद्ध २ गोलमा प्रत्यक्ष भूमिका खेलेकी सिल्की देवी हेमाम खेलको ‘प्लेयर अफ दि म्याच’ घोषित भइन्।
विधागत पुरस्कारहरूमा पनि इस्ट बंगालको दबदबा रह्यो।
५ खेलमा कुल ९ गोल गरेकी फाजिला इक्वापुत प्रतियोगिताकी सर्वोत्कृष्ट खेलाडी घोषित भइन्।
उनले ट्रफीसँगै १ हजार अमेरिकी डलर पुरस्कार जितिन्।
त्यस्तै, इस्ट बंगालकै इलाङबम पान्थोइ चानु उत्कृष्ट गोलकिपर बनिन्।
ट्रान्सपोर्ट युनाइटेड लेडिज एफसीले ‘फेयर प्ले टिम’ को उपाधि जित्यो।
दक्षिण एशियाली फुटबल महासंघ (साफ) ले पहिलो पटक आयोजना गरेको च्याम्पियनसीपमा नेपाल, भारत, भुटान, बंगलादेश र पाकिस्तान गरी ५ सदस्य देशका लिग विजेता टोली सहभागी थिए।
साफ महिला क्लब च्याम्पियनसीपको पहिलो संस्करण गएको मंसिर १९ गतेदेखि काठमाण्डौमा सुरु भएको हो।
उपाधि जितेको इस्ट बंगालले १० हजार र उपविजेता बनेको एपीएफले ५ हजार अमेरिकी डलर पुरस्कार जितेका छन्।
बाँकी ३ टोलीले समान २ हजार अमेरिकी डलर पाएका छन् ।
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
पत्रकार भरत कोइरालालाई ‘लेखनाथ आर्थिक पत्रकारिता पुरस्कार’ प्रदान
गण्डकी मिडिया समिटमा ‘पत्रकारितामा एआई’ को बहस