टाइगर कप: महिलातर्फ पाहूना टोली थाइल्याण्ड क्वीन्स तेस्रो

छैटौं संस्करणको टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसीपमा महिलातर्फ पाहूना टोली थाइल्याण्ड क्वीन्स तेस्रो बनेको छ।

पोखरा रंगशालास्थित बहुउद्देश्यीय कभर्डहलमा जारी च्याम्पियनसीपअन्तर्गत महिलातर्फको तेस्रो स्थानका लागि भएको खेलमा थाइल्याण्डले विभागीय एपीएफलाई ३–१ को सेटमा पराजित गर्‍यो।

पहिलो सेट २३–२५ ले गुमाएको थाइल्याण्डले दोस्रो सेट २५–११ र तेस्रो सेट २५–९ ले आफ्नो पक्षमा पार्‍यो।

थाइल्याण्डले चौथो सेट २३–२५ ले गुमाउँदा खेल पाँचौं सेटमा धकेलियो।

पाँचौं सेटमा १५–११ ले आफ्नो आफ्नो पक्षमा पार्दै थाइल्याण्ड तेस्रो बन्यो।

तेस्रो बनेसँगै थाइल्याण्डले २ लाख ६ हजार ६६६ रुपैयाँ हात पार्‍यो।

महिलातर्फको उपाधिका लागि भने न्यु डायमण्ड स्पोर्टस क्लब र नेपाल पुलिस क्लब भिड्नेछन्।

उक्त खेल शुक्रबार हुनेछ।

अब, पुरुषतर्फका २ खेल हुनेछन्।

पुरुषतर्फको पहिलो खेल नेपाल पुलिस क्लब र माल्दिभ्स भलिबल एसोसियसन खेल्दैछन्।

त्यसपछि, विभागीय डर्बीमा त्रिभुवन आर्मी क्लब र सशस्त्र प्रहरी बल (एपीएफ) बीच हुनेछ।

टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसीपमा पुरुषतर्फ ६ र महिलातर्फ ५ टोली सहभागी छन्।