टी–२० आई श्रृंखलामा नेपाल-युएईको खेल बराबरीमा सकियो

पहिलो खेलबाट अग्रता लिएको युएईलाई दोस्रो खेलमा नेपालले ८ विकेटले हरायो

जनसम्मत
वैशाख ८, २०८३, मंगलवार

नेपालले युएईलाई टी-२० आई श्रृंखलाको दोस्रो खेलमा ८ विकेटले हराएको छ।

योसँगै नेपाल र युएईबीचको २ खेलको टी–२० श्रृंखला १–१ को बराबरीमा सकिएको छ।

मंगलबार भएको दोस्रो खेलमा कुशल भुर्तेल र सन्दीप लामिछानेको प्रदर्शन उत्कृष्ट रह्यो।

सन्दीप लामिछानेले ४ ओभरमा १ मेडनसहित मात्र ६ रन दिएर ३ विकेट लिए।

सन्दीपले २ खेलमा गरी ६ विकेट लिएका छन्।

यस्तै हेमन्त धामीले ४ ओभरमा २० रन दिएर २ विकेट लिए।

१२९ रन पछ्याएको नेपालले १५ ओभर ५ बलमा २ विकेट गुमाएर लक्ष पूरा गर्‍यो।

कुशल भुर्तेलले ५७ बलमा सर्वाधिक ८४ रन बनाए।

उनको यो अन्तर्राष्ट्रिय टी–२० मा १४ औँ अर्धशतक हो।

युएईका निलांश केशवानी र मुहम्मद अरफानले समान १/१ विकेट लिए।

यसअघि, नेपालले टस जितेर बलिङ गर्दा युएईले २० ओभरमा ८ विकेट गुमाउँदै १२८ रन बनायो।

पहिलो खेलमा नेपाल पराजित भएको थियो।