अन्तर्राष्ट्रिय बक्सिङमा नेपालका सुशिल थापा क्वार्टरफाइनलमा

नेपालका सुशिल थापाले थाइल्याण्डमा जारी खुला अन्तर्राष्ट्रिय बक्सिङ प्रतियोगिताको क्वाटरफाइनल यात्रा गरेका छन् ।

पुरुषको ४९ केजी लाईट फ्लाइट तौल समूहमा सोमबार पाकिस्तानी खेलाडी इर्द उल्लाइलाई पराजित गदै सुशिल क्वाटरफाइनलमा प्रवेश गरेका हुन् । सुशिलले पाकिस्तानी बक्सर इर्दलाई दोश्रो राउण्डको दोस्रो मिनेटमा आरएससीको आधारमा हराएका हुन् ।

सुशिलले दोश्रो राउण्डको पहिलो मिनेटमा उल्लाहलाई ढालेपछि काउण्टमा परेका थिए । लगातार उत्कृष्ट मुक्का प्रहार गरेका सुशिलले उल्लाइलाई एकै राउण्डमा तीन पटक काउण्टको धरापमा पारेका थिए ।

अन्तर्राष्ट्रिय बक्सिङ संघको नियम अनुसार एउटै राउण्डमा तीन पटक काउण्ट पाएपछि खेलाडीले धेरै मार खानु नपरोस भनेर रेफ्रीले खेल रोक्दै बिपक्षलाई बिजयी गराउने नियम छ । नेपालमा हुने १३ औं सागको तयारीका लागि नेपाल बक्सिङ संघले बिगत २ हप्ता देखि ७ महिला र १० पुरुषलाई थाइल्याण्डमा बैदेशिक प्रशिक्षणमा राखेको छ ।