सर्जियो अगुइरोको इङ्लिस प्रिमियर लिगमा १२ औं ह्याट्रिक

अर्जेन्टिनी तथा म्यानचेस्टर सिटीका स्ट्राइकर सर्जियो अगुइरोले इङ्लिस प्रिमियर लिगको इतिहाँसमा सबै भन्दा बढि ह्याट्रिक गर्ने खेलाडीका रुपमा कीर्तिमान बनाएका छन् ।

अगुइरोले इङ्लिस प्रिमियर लिगमै ब्यक्तिगत १२ औं ह्याट्रिक पूरा गरेर सर्वाधिक ह्याट्रिक गर्ने खेलाडीको कीर्तिमान बनाएका हुन् ।

लिग अन्तर्गत साबिक विजेता म्यानचेस्टर सिटीले एस्टोन भिल्लालाई ६–१ को फराकिलो अन्तरले हराउँदा अगुइरोले ब्यक्तिगत ह्याट्रिक पूरा गरेका थिए । सिटीको जितमा नायक बनेका सर्जियो अगुइरोले खेलको २८, ५७ र ८१ औं मिनेटमा ह्याट्रिका पूरा गरेका हुन् ।

यसअघि, इङ्ल्याण्डकै स्ट्राइकर एलान सियररको नाममा रहेको ११ कीर्तिमानी ह्याट्रिकलाई अगुइरोले रेकर्ड तोडेका छन् । सर्जियो अगुइरो ह्याट्रिकसँगै इङ्लिस प्रिमियर लिगमा सबैभन्दा बढी गोल गर्ने इङ्ल्याण्ड बाहिरका खेलाडी समेत बनेका छन् । अगुइरोले प्रिमियर लिगमै सर्वाधिक १ सय ७७ गोल गरेर कीर्तिमान समेत बनाएका छन् । जुन इङ्लिस खेलाडी फ्राङ्क लाम्पार्डको गोल संख्या बराबर हो ।

सन् २०११ बाट म्यानचेस्टर सिटीमा रहेर व्यावसायिक फुटबल खेल्दै आएका अगुइरोले सिटीबाट २ सय ५५ खेल खेलिसकेका छन् । ३१ वर्षीय अगुइरोले पाँच वर्ष सन २००६ देखि २०११ सम्म स्पेनिस क्लब ला लिगामा बिताएका थिए । उनले त्यहाँ रहँदा कूल १ सय ७५ खेलमा ७४ गोल गर्न सफल बनेका थिए ।

एस्टोन भिल्लाको मैदान भिल्लापार्कमा सिटीले १८ औं मिनेटमा रियाद महारेजको गोलबाट खाता खोलेको थियो । त्यसको ६ मिनेट नबित्दै पुनः उनले नै अग्रता दोब्बर पारे ।

आउट हुन लागेको बललाई स्ट्राइकर अगुइरोले नियन्त्रणमा लिँदै भिल्लाको पेनाल्टी डिबक्समा पास मिलाइदिएका थिए । डेभिड सिल्भाले उक्त बललाई नियन्त्रणमा लिई महारेजलाई पास दिएका थिए । महारेजले उक्त क्रस बललाई सहजै गोलको दिशा दिन सफल बने । त्यस्तै, पहिलो हाफको अन्त्यतिर ग्याब्रिअल जिससले गोल गरेपछि सिटीको लागि पहिलो हाफमै ४–० ले अग्रता बन्यो ।