नोभाक जोकोभिचलाई अष्ट्रेलियन ओपन टेनिसको उपाधि

दोस्रो वरीयाताका सर्बियन टेनिस स्टार नोभाक जोकोभिचले अष्ट्रेलियन ओपन टेनिसको उपाधि जितेका छन् ।

अष्ट्रेलियन ओपन टेनिसको फाइनलमा जोकोभिचले पाँचौ वरीयताका अष्ट्रियाका डोमिनिक थिमलाई ३–२ को सेटमा पराजित गर्दै उपाधि जितेका हुन् ।

प्रतिस्पर्धात्मक फाइनलको पहिलो सेटमा जोकोभिचले २६ वर्षीय थिमलाई ६–४ ले पछि पारेका थिए । दोस्रो र तेस्रो सेटमा ४–६ र २–६ ले पछि परेको जोकोभिचले उत्कृष्ट पूनरागमन गर्दै च्याम्पियन बन्न सफल भए । ३२ वर्षीय जोकोभिचले चौथो सेट ६–३ र पाँचौ सेट ६–४ ले आफ्नो पक्षमा पारे ।

यससँगै जोकोभिचले आठौंपटक अष्ट्रेलियन ओपनको उपाधि जित्न सफल भएका छन् । उनको यो करियरको १७ औं ग्राण्डस्लाम उपाधि हो ।

तस्बीर : एसआई डट कम