भारतीय क्रिकेट कन्ट्रोल बोर्ड (बीसीसीआई) ले आइपीएल स्थगित भएको  फ्रेन्चाइज टोलीलाई जानकारी गरायो

भारतीय क्रिकेट कन्ट्रोल बोर्ड (बीसीसीआई) ले इन्डियन प्रिमियर लिग (आइपीएल) स्थगित गरिएको फ्रेन्चाइज टोलीलाई जानकारी गराएको छ ।

भारत सरकारले थप ३ साता लामो लकडाउन लकडाउन अवधि थपेपछि (आइपीएल) क्रिकेट अनिश्चित कालका लागि स्थगित भएको हो ।

यसअघि, अप्रिलको १५ देखि हुने आइपीएलको मिति तय गरिएको थियो । आइपीएल अनिश्चिकत कालका लागि स्थगित भएको हो । आइपीएलको नयाँ मितिबारे कुनै उल्लेख गरिएको छैन ।

बीसीसीआइका अध्यक्ष सौरभ गांगुलीले देशले संकट झेलेका बेला खेल प्राथमिकतामा नरहने बताउँदै आएका छन् । बीसीसीआईले आइपीएल स्थगित गरेको जनाएपनि रद्ध नै भएको भनेर उल्लेख गरेको छैन ।

अब, आइपीएल सेप्टेम्बर वा नोभेम्बर महिनामा सक्ने विकल्प छ । त्यसका लागि आइसीसीसँगको सहकार्यमा एसिया कप लगायत अन्य ठूला प्रतियोगिता मिलाउनुपर्ने हुन्छ ।