कोरोनाविरुद्धको लडाईमा इङ्ल्यान्ड महिला फुटबल टिमको सहयोग

इङ्ल्यान्डको महिला फुटबल टिमका खेलाडीले कोरोना भाइरसविरुद्धको लडाईका लागि आर्थिक सहयोग गरेका छन् ।

महिला टिमले ‘प्लेयर्स टुगेदर फन्ट’ मार्फत कोरोनाविरुद्ध लड्न सहयोग गरेका हुन् । इङ्ल्यान्डको महिला टिमका कप्तान स्टेप होटनसहित एलिन ह्वाइट र टोनी दुगानले सामाजिक सञ्जाल ट्वीटरबाट सहयोग गरेको बताएका छन् ।

कोरोनाविरुद्ध लडिरहेका नेसनल हेल्थ सर्भिस (एनएचएस) लाई सहयोग गर्ने उदेश्यले प्रिमियर लिग क्लबका खेलाडीले ‘प्लेयर्स टुगेदर फन्ट’ स्थापना गरेका थिए । कोरोनाको कारण इङ्ल्यान्डमा १२ हजार बढीको मृत्यु भइसकेको छ । कोरोना भाइरसका कारण विश्वभर १ लाख १० हजार बढीको मृत्यु भइसकेको छ ।