रवि लामिछानेले ‘राष्ट्रिय स्वतन्त्र पार्टी’ को घोषणा गरे

भ्रष्टाचारीहरूको दिमागमा घण्टी बजाउन आफूले पार्टीको चुनाव चिह्न ‘घण्टी’ राखिएको लामिछानेले बताए।

निर्वाचन आयोगमा पार्टी दर्ताका लागि आजै निवेदन दिने र केन्द्रीय समितिको बैठक पनि आजै बस्ने उनले बताए।

केन्द्रीय समितिमा २१ जना समावेश गरिएको उनको भनाइ छ। केन्द्रीय समितिमा रहेका व्यक्तिहरुको नाम भने उनले सार्वजनिक गरेका छैनन्।

उनले पार्टीमा भात्री संगठन गठन नगर्ने, कोहीले पनि कार्यकर्ता बनेर झोला बोक्न नपर्ने लगायतका नारा अघि सारेका छन्। देशको जुनसुकै ठाउँबाट चुनाव लडेपनि एक जना खराब राजनीतिज्ञलाई संसद छिर्नबाट आफूले रोक्ने भन्दै अन्य ठाउँबाट अरू स्वतन्त्र उम्मेदवारहरूले रोक्नुपर्ने उनको भनाइ छ।