गण्डकी प्रदेश छात्रतर्फको रिले दौडमा रजत पदकमै समेटियो

गण्डकी प्रदेश, रिले दौड छात्रतर्फ रजत पदकमा समेटिएको छ।

छात्रतर्फ रजत पदक जित्नेमा विकास पोख्रेल, विनित भुजेल, बादल कार्की र दिलिप जिसी हुन्। विकास सौभाग्य मावि राइनास लमजुङ, विनित आदर्श बल मावि सुन्दरबजार लमजुङ, बादल नुन्थला मावि बागलुङ काठेखोला पालिका र दिलिप गुरुकुल एकेडेमी कुश्मा पर्वतमा अध्ययनरत छन्।

यस्तै, सटपुट छात्रातर्फ गण्डकी प्रदेशका लागि बिनिता सार्कीले रजत जितेकी छन्। बिनिताले बुधबार ज्याभलिन थ्रोमा रजत पदक जितेकी थिइन्। उनले जारी प्रतियोगितामा २ रजत पदक जितेकी हुन्।

गण्डकी प्रदेशका तिर्थमान तामाङले छात्रतर्फ सटपुटमा काश्य पदक जितेका छन्। उनी लमजुङ दोर्दी गाउँपालिकाका हुन्। उनी फलेनी माविमा अध्ययनरत छन्।