गण्डकी प्रदेशमा हुने नवौँ राष्ट्रिय खेलकुदका लागि प्रदेश सरकारले ३ करोड ४६ लाख रुपैयाँ दिने भएको छ।
प्रदेशमा खेलाडीको बन्द प्रशिक्षण, खेल सामग्री, खेलाडी छनोट लगायतका लागि अर्थमन्त्रालयले बजेट उपलव्ध गराएको हो।
प्रदेश खेलकुद परिषद्को माग र युवा तथा खेलकुद मन्त्रालयको सिफारिसअनुसार मन्त्रालयले सो रकम निकासा गरेको प्रदेश सरकारका अर्थमन्त्री रामजीप्रसाद बरालले बताएका छन्। खेलकुद मन्त्रालयले प्रदेशमा राष्ट्रिय खेलकुदको तयारीका लागि ५ करोड रुपैयाँ माग गरेपनि अर्थले हालका लागि सो रकम उपलव्ध गराएको हो।
राष्ट्रिय खेलकुदका लागि भनेर चालू आर्थिक वर्षको बजेट कार्यक्रममानै प्रदेश सरकारले १ करोड ४० लाख रुपैयाँ विनियोजन गरेको थियो। अर्थमन्त्रालयले बजेटमा व्यवस्था गरिएको बाहेक थप बजेट खेलकुद मन्त्रालयलाई उपलव्ध गराएको हो।
अर्थमन्त्री बरालले राष्ट्रको गौरवसँग जोडिएको राष्ट्रिय खेलकुदमा गण्डकीका टोलीको प्रशिक्षण, तयारी र आधारभूत आवश्यकताका लागि बजेट अभाव हुन नदिने उल्लेख गरे। उनले भने, ‘राष्ट्रिय खेलकुदका लागि बजेट अभाव हुन दिँदैनौँ। अहिले निकासा गरिएको रकममा थप बजेट आवश्यक परेमा पुन: बजेट दिन्छौँ। खेलाडीलाई आधारभूत सुविधामा बजेट अभावले कुनै पनि कमी हुन दिँदैनौँ।’
आगामी असोज २८ देखी कात्तिक ३ गतेसम्म गण्डकी प्रदेशमा हुने राष्ट्रिय खेलकुदका लागि गण्डकी प्रदेश सरकारले खेलाडी प्रशिक्षण सुरु गरेको छ। प्रदेश खेलकुद परिषद्ले शुक्रबारदेखी पहिलो चरणमा १४ वटा खेलको विशेष प्रशिक्षण सुरु गरेको हो। विशेष प्रशिक्षणबाट प्राविधिक टोलीले आवश्यक खेलाडीहरु छनोट गर्ने परिषद्ले जनाएको छ।
राष्ट्रिय खेलकुदमा ३६ र थप २ प्रदर्शनी खेल गरी ३८ खेलमा पदकका लागि खेलाडीले प्रधिस्पर्धा गर्नेछन्। सफ्ट टेनिस, टेनिस, स्क्वास, खो खो, हक्की, फेन्सिङ, स्विमिङ, ट्रायाथलन, साइक्लिङ, महिला ह्याण्डबल, महिला बास्केटबल, महिला फुटबल, महिला क्रिकेट, प्याराग्लाइडिङ, गल्फ, कुस्ती, सुटिङ र आर्चरी खेलको विशेष प्रशिक्षण संचालन भएको हो।
प्रदेश खेलकुद परिषद्ले बाँकी २२ खेलका लागि दोस्रो चरणमा जिल्ला छनोट प्रतियोगिता हुने जनाएको छ। जिल्ला छनोटपछि प्रादेशिक छनोट प्रतियोगिताबाट राष्ट्रियका लागि गण्डकीको टोली तयार हुनेछ। यही भदौ ९ देखि १२ गतेसम्म जिल्ला छनोट प्रतियोगिता संचालन गरिने सदस्य सचिव तेज गुरुङले बताएका छन्।
पोखरामा दोस्रो संस्करणको ‘वृत्ति परामर्श तथा रोजगार मेला’ सुरु
पोखरा स्पोर्ट्स अवार्डलाई सघाउने खेल संघ तथा क्लबको प्रतिवद्धता
पोखरा महानगर खेलकुदले विविध खेलकुदसँगै मार्शल आर्ट महोत्सव गर्दै
‘शक्ति र सत्तामा रहेकाको मात्रै इतिहास लेखिनु हुँदैन’
गोरखाको वीरेन्द्र तालमा हिमपहिरो खस्यो
कस्केली अधिकृत समाज डहरे देउराली, अन्धाअन्धी दहसम्म पुग्यो
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
रारा ताल : ट्रेल रन म्याराथन
पोखरामा दोस्रो संस्करणको ‘वृत्ति परामर्श तथा रोजगार मेला’ सुरु
पोखरा स्पोर्ट्स अवार्डलाई सघाउने खेल संघ तथा क्लबको प्रतिवद्धता
पोखरा महानगर खेलकुदले विविध खेलकुदसँगै मार्शल आर्ट महोत्सव गर्दै
‘शक्ति र सत्तामा रहेकाको मात्रै इतिहास लेखिनु हुँदैन’
गोरखाको वीरेन्द्र तालमा हिमपहिरो खस्यो
कस्केली अधिकृत समाज डहरे देउराली, अन्धाअन्धी दहसम्म पुग्यो
गण्डकीमा मन्त्री चुमानलाई आर्थिक र गुरुङलाई भौतिक मन्त्रालयको जिम्मेवारी
एसीसी प्रिमियर कप क्रिकेटमा नेपाल चौथो