८ सयले बढ्यो सुनको मूल्य

नेपाली बजारमा बिहीबार सुनको मूल्य बढेको छ।

अघिल्लो दिन (बुधबार) प्रतितोला ९३ हजार रुपैयाँमा कारोबार भएको सुनको मूल्य आज प्रतितोला ९३ हजार ८ सय रुपैयाँमा कारोबार भइरहेको नेपाल सुनचाँदी व्यवसाय महासंघले जनाएको छ।

तेजाबी सुनको मूल्य प्रतितोला ९३ हजार ३ सय रुपैयाँमा कायम भएको छ।

चाँदीको मूल्य पनि बढेको छ। बुधबार प्रतितोला १ हजार ११० रुपैयाँमा कारोबार भएको चाँदी आज २५ रुपैयाँले बढेर प्रतितोला १ हजार १३५ रुपैयाँमा कारोबार भइरहेको छ।