राष्ट्रिय खेलकुद: गल्फमा बागमतीलाई ३ स्वर्ण

नवौं राष्ट्रिय प्रतियोगिता अन्तर्गत पुरुषतर्फको गल्फमा नेपाल आर्मीका सुवास तामाङले स्वर्ण पदक जितेका छन्।

पोखरा–१४ स्थित हिमालयन गल्फ कोर्षमा शनिबार भएको प्रतिस्पर्धामा सुवासले सदभाव आचार्यलाई १ स्ट्रोकले पछि पार्दै स्वर्ण जितेका हुन्। प्रदेश–१ का युवराज भुजेलले कास्य पदक जिते।

समूह चरणको खेलमा भने बागमती विजयी बन्न पुग्यो। समूह अन्तर्गत पुरुष र महिला दुवै इभेन्टमा बागमतीले स्वर्ण जित्यो। यस्ते एकलतर्फ महिलाको स्वर्ण पनि बागमतीले नै जित्दै कुल ४ मध्ये ३ स्वर्ण बागमतीले जितेको हो।

पुरुषतर्फको टिममा बागमतीले स्वर्ण जित्दा प्रदेश–१ ले रजत र नेपाल आर्मीले कास्य पदक जितेको छ।

महिलातर्फको प्रतिस्पर्धामा बागमतीकी कस्मिरा शाहले स्वर्ण, बागमतीकै तारा कार्कीले रजत र प्रदेश–१ की सुष्मा सिग्देलले कास्य पदक जितिन्। महिला टिम इभेण्टमा बागमतीले स्वर्ण जित्दा प्रदेश–१ ले रजत र गण्डकीले कास्य पदक जितेको छ।

समूह चरणको प्रतियोगिता अन्तर्गत महिला/पुरुष स्वर्ण विजेता टिमका खेलाडीले स्वर्ण सहित जनही १५ हजार रुपैयाँ पाएका छन।

व्यक्तिगततर्फका विजेताले स्वर्णसहित २५ हजार रुपैयाँ नगद पुरस्कार राष्ट्रिय खेलकुद परिषदबाट पाएका छन्।