राष्ट्रिय खेलकुद: आइटीएफ तेक्वान्दोमा आर्मीलाई ११ स्वर्ण

नवौं राष्ट्रिय खेलकुद प्रतियोगिता अन्तर्गत आइटीएफ तेक्वान्दो प्रतियोगितामा ७४ पदकको टुंगो लागेको छ।

प्रतियोगिता अन्तर्गत बागलुङमा भएको खेलमा २५ स्वर्ण, २५ रजत र २४ कास्य पदकको छिनोफानो भएको हो।

प्रतियोगितामा ११ स्वर्ण, ७ रजत र २ कास्यसहित विभागीय टिम आर्मी सबैभन्दा अगाडि छ।

प्रतियोगितामा दोस्रो स्थान बनाउँदै गण्डकी प्रदेशले ५ स्वर्ण, ५ रजत र १ कास्य पदक
जितेको छ।

५ स्वर्ण, २ रजत र २ काँस्य पदक लिएर बागमती प्रदेश तेस्रो स्थानमा छ।

लुम्बिनी प्रदेशले १ स्वर्ण, ४ रजत र ८ कास्य पदक जित्दै चौथो स्थान बनाएको छ।

प्रदेश–१ ले २ स्वर्ण, ३ रजत र ३ कास्य पदक जित्दै पाँचौ स्थानमा छ।

विभागीय टिम एपीएफले पदक तालिकामा १ स्वर्ण, २ रजत र ३ कास्य पदकसहित छैटौं स्थानमा उभ्याएको छ।

कर्णाली प्रदेशले २ रजत र २ कास्य जित्दा विभागीय टिम नेपाल पुलिसले ३ कास्य पदक हात पारेको छ। मधेश र सुदुरपश्चिम प्रदेशले अहिलेसम्म कुनैपनि पदक जित्न सकेको छैन।

पछिल्लो खेलमा नेपाल आर्मीले ४ गण्डकीले २, प्रदेश–१ ले २, सशस्त्र प्रहरी बलको एपीएफले र लुम्बिनी प्रदेशले १/१ स्वर्ण जितेका छन्।