राष्ट्रिय खेलकुद: कबड्डीमा महिला/पुरुष दुबैतर्फ आर्मीलाई स्वर्ण

नवौं राष्ट्रिय खेलकुद प्रतियोगिताअन्र्तगत कबड्डीमा डिफेन्डिङ च्याम्पियन त्रिभूवन आर्मी क्लवले दोहोरो स्वर्ण जितेको छ।

बिहीबार पोखरामा सम्पन्न अन्तिम प्रतिस्पर्धामा पुरुषतर्फ लुम्बिनी प्रदेशलाई ४१–२० पोइन्टले र महिलातर्फ नेपाल पुलिस क्लवलाई ३०–२३ पोइन्टले पराजित गर्दै आर्मीले दोहोरो स्वर्ण जितेको हो।

पुरुषतर्फ पराजित लुम्बिनी प्रदेश र महिलातर्फ नेपाल पुलिस क्लवले उपविजेता बन्दै रजत पदकमा चित्त बुझाए।

प्रतियोगितामा पुरुषतर्फ सुदुरपश्चिम प्रदेश र नेपाल पुलिस क्लव यस्तै महिलातर्फ लुम्बिनी प्रदेश र सशस्त्र प्रहरी बल कास्य पदक विजेता बने।

प्रतियोगितामा पुरुषतर्फ कर्णाली प्रदेशका मिराप थापामगर र महिलातर्फ त्रिभूवन आर्मी क्लवकी अनुजा कुलिङ्ग राई उत्कष्ट खेलाडी घोषित बन्दै जनही ५/५ हजार रुपैयाँसहित मेडल र पमाणपत्र प्राप्त गरे।

आर्मी सातौं र आठौं राष्ट्रिय खेलकुद प्रतियोगितामा पनि महिला तथा पुरुष दुवै समुहको स्वर्ण विजेता हो।

यही असोज ३० गतेदेखि शुरु भएको प्रकितयोगिताको कबड्डीमा महिला तथा पुरुष दुबैतर्फ ७ प्रदेश र ३ विभागिय गरी टिमको सहभागिता थियो।