पोखरा महानगरपालिकाभित्र मेलमिलापसम्बन्धी आधारभूत तालिम सुरु भएको छ।
पोखरा महानगरपालिका न्यायिक समितिको आयोजनामा मेलमिलापसम्बन्धी तालिम सुरु गरिएको हो।
कार्यक्रममा पोखरा महानगरपालिका प्रमुख धनराज आचार्यले मुद्दा, मामिलामा जान पर्ने अवस्था आउन नदिनेगरी स्थानीय तहमा विवाद समाधान गर्न सके नागरिकलाई सहज हुने औंल्याए।
उनले मेलमिलापकर्ताको कानूनी व्यवस्था भएको जनाउँदै मेलमिलापकर्ताले मध्यस्थकर्ताको भूमिका खेलेर विवाद समाधानमा भूमिका खेल्नुपर्नेमा जोड दिए। उनले पोखरा महानगरपालिकाको न्यायिक समिति अघिल्लो ५ वर्षमा उत्कृष्ट बनेको समेत चर्चा गरे। उनले आगामी दिनमा पनि न्याय सम्पादनमा उत्कृष्ट बन्ने विश्वास व्यक्त गरे।
मेयर आचार्यले नेपालका स्थानीय तहमा दिइएको अधिकार विशिष्ट खालको भएको उल्लेख गरे।
‘स्थानीय तह आफैंमा सरकार हो। स्थानीय तहलाई कार्यपालिका, व्यवस्थापिका र न्यायिपालिका गरी ३ वटै अधिकारप्राप्त छ। यो अधिकार विशिष्ट छ’, मेयर आचार्यले भने।
उनले संसारका कमै देशमा यस्तो प्रकारको अभ्यास रहेको बताए। स्थानीय सरकार बलियो नभएसम्म देशको अनुशासन व्यवस्थालाई सुदृढ बनाउन नसकिनेसमेत उनको भनाई थियो।
जिल्ला अदालत कास्कीका न्यायाधीश रमेशप्रसाद खरेलले विवाद समाधानको उत्तम विकल्प मेलमिलाप भएको औंल्याए।
‘विवाद समाधनको प्रभावकारी विकल्पको रुपमा मेलमिलापलाई स्थानीय तहमा स्थापित गरिएको छ,’ उनले भने, ‘राजनीतिक रुपमा धेरै उपलब्धि प्राप्त भए तर महत्वपूर्ण उपलब्धिको रुपमा न्यायिक समिति गठन हो।’
उच्च अदालत पोखराका रजिस्ट्रार श्रीलाल पौडेलले मेलमिलापकर्ताले विवाद समाधानका लागि निश्चित मापदण्ड पालना गर्नुपर्नेमा जोड दिए। विवाद समाधान गर्ने अधिकार स्थानीय तहलाई दिइएको उनको भनाई थियो। त्यसैले न्यायिक समितिले मेलमिलापकर्ता उत्पादन र विवाद समाधानलाई सुदृढ गर्ने काम भएको उनले उल्लेख गरे।
पोखरा महानगरका उपप्रमुख एवं न्यायिक समिति संयोजक मञ्जुदेवी गुरुङले स्थानीय तहबाटै विवाद उत्पन्न हुने भएकाले वडाबाटै यसको समाधान गर्ने उद्देश्यले न्यायिक समिति गठन भएको बताइन्।
उनले नागरिकले आफैंले निर्वाचित गरेको जनप्रतिनिधिसँग आफना समस्या राख्न सजिलो हुने भएकाले न्यायिक समितिको कल्पना गरिएको विचार राखिन्।
कार्यक्रममा पोखरा महानगरका प्रवक्ता मोतिप्रसाद तिमिल्सेना, काँग्रेसको तर्फबाट महानगरका दलका नेता दिवसमान प्रधानांग, नेकपा एमालेका दलका नेता शाधिका शाही योगी, महानगर न्यायिक समिति सदस्यहरु कालिदास पोखरेल, भावना श्रेष्ठलगायतले न्यायिक समितिबारे चर्चा गरे। ८ दिनसम्म सञ्चालन हुने तालिममा पोखरा महानगरका ३३ वटा वडाका ७० जनाको सहभागिता छ। वडा तहका विवादलाई समाधान गर्ने उद्देश्यले मेलमिलापकर्ताका लागि तालिम संचालन गरिएको महानगरपालिका न्यायिक समितिका उजुरी प्रशासक नारायणप्रसाद शर्माले बताए।
तालिम प्राप्त मेलमिलापकर्ता नभएका र ५ जनाभन्दा कम भएका वडाबाट नाम माग गरेर तालिम संचालन गरिएको हो।
तालिम पुस १४ गतेसम्म संचालन हुने न्यायिक समितिका अभिलेख संरक्षक राममणी अधिकारीले बताए।
पोखरामा दोस्रो संस्करणको ‘वृत्ति परामर्श तथा रोजगार मेला’ सुरु
पोखरा स्पोर्ट्स अवार्डलाई सघाउने खेल संघ तथा क्लबको प्रतिवद्धता
पोखरा महानगर खेलकुदले विविध खेलकुदसँगै मार्शल आर्ट महोत्सव गर्दै
‘शक्ति र सत्तामा रहेकाको मात्रै इतिहास लेखिनु हुँदैन’
गोरखाको वीरेन्द्र तालमा हिमपहिरो खस्यो
कस्केली अधिकृत समाज डहरे देउराली, अन्धाअन्धी दहसम्म पुग्यो
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
रारा ताल : ट्रेल रन म्याराथन
पोखरामा दोस्रो संस्करणको ‘वृत्ति परामर्श तथा रोजगार मेला’ सुरु
पोखरा स्पोर्ट्स अवार्डलाई सघाउने खेल संघ तथा क्लबको प्रतिवद्धता
पोखरा महानगर खेलकुदले विविध खेलकुदसँगै मार्शल आर्ट महोत्सव गर्दै
‘शक्ति र सत्तामा रहेकाको मात्रै इतिहास लेखिनु हुँदैन’
गोरखाको वीरेन्द्र तालमा हिमपहिरो खस्यो
कस्केली अधिकृत समाज डहरे देउराली, अन्धाअन्धी दहसम्म पुग्यो
गण्डकीमा मन्त्री चुमानलाई आर्थिक र गुरुङलाई भौतिक मन्त्रालयको जिम्मेवारी
एसीसी प्रिमियर कप क्रिकेटमा नेपाल चौथो