पोखरामै पहिलो पटक अन्तर्राष्ट्रिय व्यावसायिक जहाज अवतरण

पोखराको अन्तर्राष्ट्रिय विमानस्थलमा आज (बुधबार) बिहान पहिलो पटक अन्तर्राष्ट्रिय व्यावसायिक जहाजले अवतरण गरेको छ।

चीनको छेन्दुबाट सिचुवान एयरलाइन्सको न्यारोबडी ए ३१९ जहाज बिहान ९ बजेर ६ मिनेटमा पोखरा अन्तर्राष्ट्रिय विमानस्थलमा अवतरण गरेको हो।

यो जहाज पोखराको फेवातालमा यही असार ८ र ९ गते आयोजना हुन लागेको नेपाल चाइना ड्रागन बोट रेस फेस्टिभलमा सहभागी हुने खेलाडीसहितका यात्रु लिएर आएको हो।