काठमाण्डौं, तीनकुनेको हिंसात्मक घटनापछि फरार रहेका राजावादी अभियन्ता दुर्गा प्रसाइँलाई प्रहरीले झापाको भद्रपुर नाकाबाट पक्राउ गरेको छ।
नेपाल प्रहरीले प्रसाइँलाई नेपाल–भारतको सीमा नाकाबाट पक्राउ गरेको जनाएपनि यसअघि, भारतीय प्रहरीले प्रसाइँलाई आसामबाट पक्राउ गरेको स्रोतले जनाएको छ।
स्रोतका अनुसार प्रसाइँलाई भारतको आसाम राज्यस्थित धनसिरीपुर ठाडालाइन क्षेत्रबाट बिहीबार पक्राउ गरिएको हो।
प्रसाइँलाई भारतको आसामस्थित एक नेपाली भाषीको घरमा लुकेर बस्दै गरेको अवस्थामा प्रहरीले पक्राउ गरेको हो।
प्रसाइँलाई आसामस्थित अभिचन्द्र पाठकको घरबाट पक्राउ गरिएको स्रोतले जनाएको छ।
आसाम पुगेको नेपाल प्रहरीको विशेष ब्यूरोको टोलीका अनुसार उनी पाठकको घरमा लुकेर बसेका थिए।
पाठक नेपालीभाषी हुन्।
उनलाई ल्याउन नेपालबाट प्रहरीको विशेष ब्यूरोको टोली आसाम पुगेको थियो।
भारतको आन्तरिक सुरक्षा र प्रतिजासूसी संस्था इन्टेलिजेन्स ब्यूरो (आइबी) को सहयोगमा प्रसाइँ लुकेको ठाउँ पहिचान गरिएको थियो।
त्यसपछि, आसामको स्थानीय प्रहरीले उनलाई नियन्त्रणमा लिएको थियो।
प्रहरीले भने शुक्रबार मात्र झापाको भद्रपुर क्षेत्रबाट पक्राउ गरिएको जनाएको छ।
यसअघि, पनि भारतमा पक्राउ गरेका व्यक्तिलाई भारतीय सुरक्षा निकायले नेपाललाई नबुझाउँदासम्म नेपाल प्रहरीले पक्राउ परेको स्वीकार्ने गरेको छैन।
भारतीय प्रहरीको समन्वयमा प्रसाइँलाई विहीबार नै नियन्त्रणमा लिइएको थियो।
यो खबर सार्वजनिक भएसँगै नेपाल प्रहरीले भने मध्यराति प्रेस विज्ञप्ति जारी गरी प्रसाइँ पक्राउ नपरेको दाबी गरेको थियो।
शुक्रबार बिहान झापा ल्याएपछि भने प्रहरी प्रवक्ता नायब महानिरीक्षक (डीआइजी) दिनेशकुमार आचार्यले प्रसाइँ पक्राउ परेको बताएका हुन्।
भारत र नेपालमा आपराधिक कार्यमा संलग्न भएको आरोप लागेका व्यक्तिलाई दुवै देशका प्रहरीले अनौपचारिक रूपमा बुझबुझारथ गर्दै आएका छन्।
प्रसाइँ यस्तो अनौपचारिक अभ्यासको पछिल्ला पात्र बनेका छन्।
भारतीय प्रहरीले आतंकवादी क्रियाकलापमा संलग्न भएको आरोप लागेका आफ्ना थुप्रै नागरिकलाई नेपाल प्रहरीको समन्वयमा भारत लगेको पाइन्छ।
त्यसैगरी, नेपालमा अपराध गरेर भारत पुगेकालाई पनि नेपाल प्रहरीले ल्याउने गरेको छ।
प्रसाइँसहित उनका निजी अंगरक्षक दीपक खड्कासमेत प्रहरी नियन्त्रणमा छन्।
उनीहरू दुवैलाई राज्यविरूद्ध तथा संगठित अपराधसम्बन्धी कसुरमा आवश्यक अनुसन्धानका लागि काठमाडौं ल्याएर अदालत लगिएको हो।
जिल्ला अदालत काठमाडौंले प्रसाइँमाथि १२ दिन हिरासतमा राखेर अनुसन्धान अघि बढाउन प्रहरीलाई अनुमति दिएको छ।
राज्यविरुद्धको कसुरमा प्रसाइँलाई कारबाही अगाडि बढाउने गरी म्याद दिइएको छ।
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
पत्रकार भरत कोइरालालाई ‘लेखनाथ आर्थिक पत्रकारिता पुरस्कार’ प्रदान
गण्डकी मिडिया समिटमा ‘पत्रकारितामा एआई’ को बहस