पोखराका पत्रकार भरत कोइरालालाई ‘निट पत्रकारिता पुरस्कार’ प्रदान गरिएको छ।
नेपाल आदिवासी जनजाति पत्रकार महासंघ (फोनिज) गण्डकी प्रदेशले संचालन गरेको यो पहिलो पुरस्कारबाट पत्रकार कोइरालालाई पुरस्कृत गरिएको हो।
पोखराको महेन्द्रपुलस्थित निट डेण्टल केयर प्रालिको तेस्रो वार्षिकोत्सव अवसरमा शुक्रबार पोखरामा एक समारोहबीच फोनिज गण्डकीले पत्रकार कोइरालालाई यो पुरस्कार प्रदान गरेको हो।
प्रमुख अतिथि पोखरा महानगरपालिकाका प्रमुख धनराज आचार्यले पत्रकार कोइरालालाई नगद २५ हजार ५५५ रुपैयाँसहित सम्मानपत्र प्रदान गरे।
फोनिजका संघीय सचिव एमबी आस्थामगरको संयोजकत्वमा गठन गरेको प्रतिभा छनोट समितिको बैठकले पत्रकार कोइरालालाई पहिलो पुरस्कार दिने निर्णय गरेको थियो।
प्रतिभा छनोट समितिका सदस्यहरुमा फोनिज गण्डकी इन्चार्ज रुद्र श्रीसमगर, फोनिज गण्डकी अध्यक्ष खिमा गुरुङ, अनुशासन समिति संयोजक मीना थापामगर र महासचिव सुरज थापामगर थिए।
फोनिज गण्डकीले संचालन गर्नेगरी कम्पनीले पत्रकारिता पुरस्कारका लागि गत साता ५ लाख रुपैयाँको अक्षयकोष स्थापना गरेको थियो।
उक्त पुरस्कार वार्षिकरुपमा प्रदान गरिने फोनिज गण्डकी उपाध्यक्ष धनबहादुर गुरुङ (सुमन) ले जनाएका छन्।
स्याङ्जा पुतलीबजारका कोइराला हाल समाधान मिडिया ग्रुपअन्तर्गतको समाधान न्यूज डटकमका सम्पादक छन्।
दुई दशक अघिदेखि पत्रकारितामा निरन्तर कलम चलाइरहेका पत्रकार कोइरालासँग यसअघि, समाधान दैनिककै कार्यकारी सम्पादक र आदर्श समाज दैनिकको सम्पादक भई काम गरेको अनुभव छ।
२०५९ सालदेखि काठमाडौंमा रही अन्नपूर्ण पोस्टबाट पत्रकारिता सुरुवात गरेका उनी २०६५ देखि पोखरामा क्रियाशील छन्।
पत्रकारिता तथा आमसंचार विषयमा स्नातकोत्तर उनले लेकसिटी कलेज र भद्रकाली माविमा पत्रकारिता अध्यापन गराउँछन्।
यसअघि, उनी पोखरा आर्थिक पत्रकारिता पुरस्कार, गजेन्द्र भण्डारी पत्रकारिता पुरस्कार र रोयल पत्रकारिता पुरस्कारबाट समेत सम्मानित भइसकेका छन्।
कार्यक्रममा पुरस्कृत पत्रकार कोइराला, नेपाल पत्रकार महासंघ गण्डकी अध्यक्ष रमेश पौडेल, प्रतिभा छनोट समित संयोजक एमबी आस्थामागर, निट डेन्टलका प्रबन्ध निर्देशक वीरबहादुर राना (वीरेन) लगायतले बोलेका थिए।
फोनिज गण्डकी अध्यक्ष खीमा गुरुङको अध्यक्षतामा भएको समारोहमा स्वागत उपाध्यक्ष सुमन र संचालन महासचिव सुरज थापामगरले गरेका थिए।
सो अवसरमा निट डेण्टलले कम्पनीमा कार्यरत् चिकित्सकसहित कर्मचारीहरुलाई प्रशंसापत्रसहित सम्मान गरेको थियो।
पोखराको महेन्द्रपुलस्थित मेडिकल लाइनस्थित निट डेन्टल केयर प्रालि ३ वर्ष अघिदेखि संचालनमा छ।
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
पत्रकारहरु रुद्रबहादुर र इन्दिरालाई कर्म-कर्ण पत्रकारिता पुरस्कार
पत्रकार महासंघ युकेले १५ औँ स्थापना दिवस मनायो
पत्रकार मीना थापामगरलाई कौराहा संरक्षण पत्रकारिता पुरस्कार
सरकारका पछिल्ला गतिविधिप्रति पत्रकार महासंघको आपत्ति
पत्रकार महासंघको राष्ट्रिय सम्मेलन सकियो
प्रेस स्वतन्त्रताप्रति सरकार पूर्ण प्रतिवद्ध छ: संचारमन्त्री तिमिल्सिना
पत्रकार भरत कोइरालालाई ‘लेखनाथ आर्थिक पत्रकारिता पुरस्कार’ प्रदान
गण्डकी मिडिया समिटमा ‘पत्रकारितामा एआई’ को बहस