काभा पुरुष भलिबल च्याम्पियनसीपको लिगमा नेपालको हार नै हार

काभा पुरुष भलिबल च्याम्पियनसीपअन्तर्गत लिग चरणको सबै खेलहरु गुमाएको छ।

प्रतियोगिताभर, लिग चरणका ५ वटै खेलहरुमा संघर्षपूर्ण प्रदर्शन गरेपनि नेपालले जीत निकाल्न सकेको छैन।

नेपालले काजाकिस्तान, श्रीलंका, पाकिस्तान, बंगलादेश  र उज्बेकिस्तानसँग पराजित भएको छ।

नेपालले काजाकिस्तान, श्रीलंका, र बंगलादेशसँग पाँचौं सेट खेलेर पराजित बनेको थियो।

पाकिस्तान र उज्बेकिस्तानसँगको खेलमा भने नेपाल सोझो ३-० को सेटमा पराजित बन्यो।

नेपालले सोमबार सम्पन्न आफ्नो पाँचौं खेलमा अन्तिम खेलमा पनि हार व्यहोरेको छ।

आफ्नो अन्तिम तथा पाँचौं खेलमा नेपाल उज्बेकिस्तानसँग सोझो सेटमा ३-० ले पराजित बन्यो।

नेपालले पहिलो सेटमा कडा चुनौती दिएपनि २४-२६ ले गुमायो।

त्यसपछि, दोस्रो सेट २०-२५ ले सुम्प्यो।

तेस्रो सेट २२-२५ ले गुमाउँदै नेपालले लगातार पाँचौं हार व्यहोर्‍यो।

लिगको पाँच खेलबाट नेपालको ३ अंक छ।

नेपालले अब मंगलबार पाँचौं स्थानको लागि खेल्नेछ।